10 дугаар сарын 26-ны өдрийн 14 цагийн байдлаар томуугийн цартахлын А хүрээний (H1N1) вирусын халдварын лабораториор онош нь батлагдсан нийт 377 тохиолдол  байна.  Эдгээрээс 325 тохиолдол нь Улаанбаатар хотод бүртгэгджээ.  Хөдөө орон нутагт 52 тохиолдол бүртгэгдсэнээс Дорнод  2, Сэлэнгэ 10, Өвөрхангай 6, Дархан-Уул 13, Дорноговь 5, Төв 9, Өмнөговь 1, Хэнтий 3, Говьсүмбэр аймагт 3 тус тус байна.

Халдварт өвчин судлалын үндэсний төвд одоогоор 73 хүн эмчлэгдэж байгаагийн 41 нь онош батлагдсан, 32 нь шинжилгээний хариу хүлээж байна.

Мөн өдрийн 8 цагийн байдлаарх Нийслэлийн Эрүүл мэндийн газрын мэдээгээр  Улаанбаатар хотын хэмжээнд амбулаторийн 4925 үзлэг хийгдсэний 2800 буюу 56,8 хувь нь томуу, томуу төст өвчний үзлэг байна. 

Лабораторийн шинжилгээгээр томуугийн цартахлын хүрээний (H1N1) вирусийн халдвартай болох нь тогтоогдсон нас баралтын 2 тохиолдол байна :( 

Тиймээс та бүхэнд тус вирусаас сэргийлхүйц аргуудаас хүргэж байна... Хэвлэж аваарай  :)

1.  Ханиалгаж, халуурсан шинжтэй байгаа болон өвчилсөн хүмүүстэй ойр байхаас зайлсхийх 
2.  Гараа тогтмол савантай бүлээн усаар угааж байх 
3.  Нойроо сайн зохицуулж, тэжээллэг хоол хүнс хэрэглэн, хөдөлгөөний идэвхитэй байх 

          Өвчилсөн хүн асарч байгаа тохиолдолд хэрхэх вэ?

1.   Өвчилсөн хүнийг бусдаас дор хаяж 1 метрээс дотогшгүй зайнд тусгаарлах 
2.   Өвчтэй хүнийг асарч буй тохиолдолд ам хамраа таглаж, амны хаалт зүүх 
3.   Өвчтэй хүнд хүрэлцсэн тохиолдол бүрийнхээ дараа дариу гараа савантай бүлээн усаар сайтар угаах 
4.   Өвчтэй хүн байгаа өрөө тасалгааны агаарын солилцоог сайжруулах, хаалга цонхоор цэвэр агаар оруулж байх. 
5.   Гэр ахуйн өргөн хэрэглээний ариутгагч бодис хэрэглэж орчныг цэвэр байлгах.

 

        

  Өөрөө өвчилсөн тохиолдолд хэрхэх вэ?

1.   Ажил, сургуульдаа явалгүй гэртээ байж, олны хөл хөдөлгөөн ихтэй газраар явахгүй байх 
2.   Шингэн юм их хэмжээгээр ууж, амрах 
3.   Ханиалгаж, найтаах тохиолдол бүрийд нэг удаагийн хэрэглээний амны алчуураар ам хамраа таглаж, хэрэглэсэн алчуураа даруй зохих ёсоор хаяж устгаж байх 
4.   Ханиалгаж, найтаасны дараа гараа савантай бүлээн усаар сайтар угааж байх 
5.   Гэр бүлийн хүмүүс болон найз нөхөддөө өвчилсөн тухайгаа мэдэгдэж, бусад хүмүүсээс өөрийгөө тусгаарлах 

 

  Танд халдвар авсан шинж тэмдэг илрэх юмуу эмнэлгийн тусламж хэрэгтэй гэвэл хэрхэх вэ?

1.  ХӨСҮТ-ийн 100 эсвэл 455388 дугаарын утсанд залгаж зөвлөмж авах
2.  Утсаар холбоо барих боломжгүй болон аргагүй тохиолдолд эмнэлгийн байгууллага луу явахдаа ам, хамраа бүрэн тагласан амны хаалт хэрэглэх ёстойг анхаарна уу.

Мэдээллийн эхийг ЭМЯ-ны вэб сайт-аас авлаа. За тэгээд дор бүрнээ болон ажил, гэр бүлдээ анхаарал тавьж байгаарай.

 

                                     МАНЬ ЧИНЬ ХАНИАЛ ХҮРЭЭД МЯАРСАААН :(( ТЭГЭЭД ЯВАХААР  ЗЭХЭЖ БАЙСАН БОЛОН ЯВАХ САНАЛТАЙ БАЙСАН ЗАЛУУСАА УУЧЛААРАЙ...ТОДОРХОЙГҮЙ ХУГАЦААГААР ТҮР АЯЛЛАА ХОЙШЛУУЛЖ БАЙНА. Олон Удаа эргэлзэж тээнэгэлзэж байж шийдлээ ... ДАХИН уучлаарай ;)