Сайна уу залуусаа энэ хагас сайн өдөр буюу 2009 оны 8-р сарын 22-ны өдөр  Аръяабалын бясалгалын сүмрүү фото аялал хийцгээе. Баараггүй явах хүмүүс байвал БИ БАТ ЯВНА гээд сэтгэгдэл үлдээгээрэй. Заавал зураг авдаг болон зургийн апраттай хүмүүс л явах юм биш шүү дээ сайхан байгаль үзээд ирэх хүсэлтэй хэн бүхэн явж болно. Бас сайхан газар очоод зурагаа авхуулах боломжтой шүү. За тэгээд очих газрынхаа талаар өмнө дурдаж байсан харин энд явах бэлтгэл болон очих газрын газар зүйн байршил өдрийн арга хэмжээний тухай мөн бусад дэлгэрэнгүйг оруулж байна.

Очих газар буюу хийдийн ерөнхий төрх

Мөн ч сайхан газар даа. Дээрээс нь эргэн тойрон алган дээр байгаа юм шиг илхэн харагддаг

Эргэн тойронд нь байгалийн сайхан тогтоцтой сайхан газар

Хийдийн шат бас хөөрхөн алхуулдаг санагдаж байна

Эртний сүм хийдийн бүтцээр баригдсан сэргээн босголт хийгдэж байсан.

Хийдийн хүрд

Энэ удаагийн хөтөлбөр ерөнхийдөө 8-р сарын 22-ны өглөө УБ-т Аса Циркийн үүдэнд цуглах /09,00 цагт/-УБ-аас хөдлөх-Замдаа байгалийн зураг авах-Төв аймгийн Эрдэнэ сумын нутагт орших Цонжин болдогийн гэрэлт хөшөө дээр түр зогсож зураг авах- хөшөөнөөс цааш Тэрэлжийн байгалийн цогцолбор газар, Мэлхий хадан дээр очиж бууна. Тэндээс 1,5 км алхаж Аръяабалын бясалгалын сүмрүү очиж зураг авна. Ойролцоох газарт буудалж өдрийн цай, хооллох үйл ажиллагаа болж байгалийн сайханд зураг авах, оройн 18 цагт буцаж автобусандаа  сууж Төв талбай дээр ирэх /19,30 цагт/ гэсэн дараалалтай байна гэж төлөвлөж байгаа харин танд санал байвал бичээрэй. Хоол цайны хувьд өдрийн хоолыг өөрсдөө бэлтгэж ирэх! 

Тэгэхээр энэхүү өдрийн аялалд оролцох хүмүүс нийтллийн доор ЗА БИ БАТ ЯВНА гэж бичихээс гадна өөрийн хувийн бэлтгэлээ сайтар хангах,  мөн өдрийн хүнсээ бэлдэж явах, унааны мөнгөнд хандивлах  8000 төгрөгтэй  дээр нь Цонжин болдогийн хөшөө дээр гарахад 5000 төгрөг нийт 13000  төгрөг байхад болохоор байна. Энд хотын захын товчооны нэвтрэх төлбөр, байгалийн цогцолбор газарт нэвтрэх хураамж зэрэг багтсан болно. Мэдээж бас нөөцтэй байх нь чухайл. Хүсвэл хөшөөн дээр гарахгүй байсан ч болно энэ бол таны л мэдэх хэрэг. Унааны мөнгийг нийт хэдэн хүн явах талаар нарийн тооцож байгаад хүн нэмэгдэж явахаар бол бууруулах болно.

Заавал ч үгүй фото аппараттай хүмүүс явах юм биш шүү дээ!!!!  Банжигийнханы бас нэг сайхан хамт олны үйл ажиллагаанд оролцоод, сайхан байгалд салхилах, өөрийн зургаа энд тэндэхийн сайхан фонн дээр авахуулах хүсэлтэй хэн ч оролцож болно. Манай зураг сонирхдог хэд хэдэн найзууд хүртэл явах учраас таньд зураг авах болон бусад техникийн зөвлөгөөг харамгүй хэлүүлэх тал дээр миний бие анхаарч ажиллах болно. За ингээд 21-с өмнө надад явах эсэхээ албан ёсоор мэдэгдээрэй. Унаа тэрэгний хувьд нэг Делика ярисан бөгөөд хүн нэмэгдэхээр бол томосгох санаа байна. Иймээс яг баттай явах хүний тоог мэдэх зайлшгүй шаардлагууд байна.

Зун цаг дуусах дөхөж байна тиймээс амралтын өдрүүдээ идэвхитэй хөдөлгөөнтэй, инээд хөөртэй, сайхан дурсамж, зурагтайгаар өнгөрөөцгөөе.  

За тэгээд удахгүй уулзая зураг авцгаая!!!  :)